Sámásta 1 álggooahppokurssa ja giellahárjjánibme

Mikal Urheima lij fáhka ja pedagogalasj vásstediddjen álggokursas biejvijt. Ivar Otto Knutsen, Magda Knutsen ja Jenny Søberg lidjin vas sámegiella viehkkebarggen

Bjørg Fagernes lij fáhka ja pedagogalasj vásstediddjen Sámásta 1 kursas iehkedijt.

25 oahppe lidjin ietjasa diededam kursajda. 19 oassevállde tjadádinkursajt ja kurssaduodastusáv oadtjun. Sámásta 1 kurssa lij biejvijt ja iehkedijt 45:jn tijma tjoahkkáj.
Sámásta kursa li 4 dássáj juogedum. Juohkka dássáj gullu kurssagirjje ja hárjjidusgirjje, ja duodde girjálasjvuohta. Oassevállde li 1. dásev julevsámegiela njálmálasj ja tjálalasj álggoåhpas tjadádam.

Giellahárjjánimkurssa lij biejvijt svarka maŋŋela ja vibáj aj 45 tijma tjoahkkáj.

Árranij lij álgos hásstalussan oadtjot sámegielak fáhkaulmutjijt åhpadittjat, sierra gåjt de pedagovgåjt. Tjoavddusin sjattaj sihke nuorajt ja vuorrasappojt sámegiela máhtudagájn bálkkit. Kurssa tjadádimes li buorre åtsålvisá. Åtsådalájma vuorasulmutja/pensjonista máhtti ájn liehket stuorra viehkken gå sámegielak máhtudagájs le vádno gå galggap gielama ælládahttet.

Ållesgåvvån lidjin kurssaoassevállde ja åhpadiddje dudálattja. Mottes oasseválldijs ávudalli juo tjaktjaj Sámásta-kursaj joarkátjit.